یاسمین راشد، اعجاز چوہدری پر فرد جرم عائد

لاہور:انسداد دہشتگردی عدالت نے 9 مئی کے مقدمات میں نامزد پی ٹی آئی کے تین رہنماؤں پر فرد جرم عائد کر دی۔

لاہور کی انسداد دہشتگردی عدالت کی ایڈمن جج عبہر گل خان نے سانحہ 9 مئی کے مقدمات کی سماعت کی، اس موقع پر ڈاکٹر یاسمین راشد، اعجاز چوہدری اور روبینہ جمیل کو عدالت میں پیش کیا گیا۔

عدالت نے سابق وزیر صحت یاسمین راشد، اعجاز چوہدری اور روبینہ جمیل پر فرد جرم عائد کر دی، تاہم ملزمان نے صحت جرم سے انکار کر دیا۔

انسداد دہشت گردی عدالت نے مقدمے کے گواہان کو 16 دسمبر کو بیانات ریکارڈ کرانے کیلئے طلب کر لیا اور مزید سماعت 16 دسمبر تک ملتوی کر دی۔

خیال رہے کہ ملزمان کے خلاف تھانہ سرور روڈ میں 2 مقدمات درج ہیں۔