دیامر بھاشا اور مہمند ڈیمز فنڈز کیس سماعت کے لئے مقرر

اسلام آباد: سپریم کورٹ نے دیامر بھاشا اور مہمند ڈیمز فنڈز کیس کو سماعت کیلیے مقرر کرلیا۔

رجسٹرار سپریم کورٹ کی جانب سے جاری روسٹر میں بتایاگیا ہے کہ کیس کی سماعت گیارہ ستمبر کو چار رکنی بینچ کرے گا، جس کی سربراہی چیف جسٹس آف پاکستان کریں گے۔

بینچ میں جسٹس عرفان سعادت، جسٹس نعیم اختر افغان، جسٹس شاہد بلال حسن شامل ہیں۔ اس حوالے سے اٹارنی جنرل آف پاکستان اور ایڈوکیٹ جنرل پنجاب کو نوٹس جاری کردیے گئے ہیں۔

علاوہ ازیں چیئرمین نیشنل ہائی وے اتھارٹی، چیئرمین واپڈا، چیئرمین ایف بی آر، گورنر سٹیٹ بینک اور نیشنل بینک کو نوٹس جاری کردیے گیے ہیں۔