Physical Address
304 North Cardinal St.
Dorchester Center, MA 02124
اسلام آباد:پیپلزپارٹی کیلئے تلوار کا انتخابی نشان،،،جے یو آئی ف کو کتاب مل گئی۔الیکشن کمیشن نے آئندہ انتخابات کیلئے تئیس سیاسی جماعتوں کو انتخابی نشانات الاٹ کردیئے۔۔الیکشن کمیشن نے استحکام پاکستان پارٹی کو چڑیا کا انتخابی نشان تجویز کرتے ہوئے آئی پی پی اور آل پاکستان مسلم لیگ کی انتخابی نشان کی درخواست پر فیصلہ روک دیا۔
ممبر نثار درانی کی زیر صدارت چار رکنی کمیشن نے سماعت کی۔۔ممبر الیکشن کمیشن نے کہا کہ استحکام پاکستان پارٹی نے شاہین کا نشان مانگا جو پہلے سے آل پاکستان مسلم لیگ کے پاس ہے۔استحکام پاکستان پارٹی چڑیا کا نشان لے لے، یہ بھی شاہین کی طرح پرندہ ہی ہے۔۔
الیکشن کمیشن نے استحکام پاکستان پارٹی کو شاہین کا انتخابی نشان الاٹ کرنے کی درخواست مسترد کرتے ہوئے رجسٹریشن کیلئے متعلقہ دستاویزات کی فراہمی کی ہدایت کی۔
الیکشن کمیشن نے رابطہ جمعیت اسلام کو انگوٹھی، پیپلز مسلم لیگ کو کپ، کسان اتحاد کو بالٹی،ہزاری ڈیموکریٹک پارٹی کو چاند، پاکستان عوامی لیگ کو ہاکی اور پاکستان تحریک انسانیت کو چاقو مل گیا۔
پاکستان امن تحریک کو میزائل، تحریک تحفظ پاکستان کو پستول،پاکستان پیپلز پارٹی بھٹو شہید کو وکٹری، پاکستان فلاحی تحریک کو واسکٹ،جے یو آئی نظریاتی کو تختی، جدید عوامی پارٹی کو ہیلمٹ اور تحریک عوام پاکستان کو ٹیلیفون مل گیا جبکہ پاکستان فلاحی تحریک کو تھرموس اور اللہ اکبر تحریک کو جگ کا نشان الاٹ کیا۔
آل پاکستان مسلم لیگ نے 20 روز کے اندر انٹرا پارٹی انتخابات کرانے کی یقین دہانی کرادی۔
