لندن کے لوٹن ائیرپورٹ پرآتشزدگی، متعدد پروازیں معطل

لندن: برطانیہ کے لوٹن ایئرپورٹ پر آگ بھڑک اٹھی جس کے بعد متعدد پروازیں معطل کر دی گئی ہیں۔

برطانوی میڈیا کے مطابق آگ ایک گاڑی میں لگی جس نے ایئر پورٹ کو بھی اپنی لپیٹ میں لے لیا، آتشزدگی کے بعد ایئرپورٹ پر ایمرجنسی نافذ کر دی گئی، لوگوں کو بچانے کیلئے سائرن بھی بجائے گئے۔

دس فائر انجن آگ بجھانے میں مصروف ہیں جبکہ شہریوں کو ایئرپورٹ کی جانب جانے سے روکا جا رہا ہے، آگ سے کسی قسم کے جانی نقصان کی اطلاع سامنے نہیں آئی۔