جی 20 اجلاس ،بندروں کو بھگانے کے لیے ماہر عملہ تعینات

نئی دہلی: بھارت میں جی 20 اجلاس کے موقع پر بندروں کو بھگانے کے لیے ماہر عملہ تعینات کر دیا گیا۔

بھارت میں جی 20 کا غیرمعمولی اجلاس ہورہا ہے جہاں تین کروڑانسانوں کے ساتھ ساتھ بندر بھی بستے ہیں اور انسانی حدود میں گھس آتے ہیں۔

اب انہیں کانفرنس سے دور رکھنے کے لیے خاص تربیت یافتہ ’بندروالا‘ عملہ تعینیات کیا گیا ہے جبکہ خوفناک بندروں کے کٹ آؤٹ اور تصاویر جگہ جگہ لگائی جارہی ہیں۔

اگلے ہفتے منعقد ہونے والی کانفرنس میں بندروں کو بھگانے کے لیے 30 ایسے لوگ بھرتی کئے گئے ہیں جو اپنی آواز، چیخ و پکار اور حرکتوں سے بندروں کو بھگانے کے ماہرہیں۔

علاوہ ازیں آوار مکاک بندروں کے فطری دشمن خونخوار لنگوروں کی ہولناک تصاویر کارڈ بورڈ کی صورت چپکائی گئ ہیں۔ یہ بندر گھروں کے علاوہ باغات اور سبزے والے علاقوں پر دھاوا بول کر اودھم مچاتے رہتے ہیں۔