گلگت بلتستان اسمبلی کا ایک کھرب 23 ارب روپے کا بجٹ آج پیش ہوگا

گلگت بلتستان: گلگت بلتستان اسمبلی کا ایک کھرب 23 ارب روپے کا بجٹ آج پیش کیا جائے گا۔

غیر ترقیاتی بجٹ کا حجم 90 ارب ہوگا جبکہ ترقیاتی بجٹ 21 ارب جس میں سے ایک ارب ایفاد کے رکھے گئے ہیں اسی طرح فیڈرل پی ایس ڈی پی کی مد میں 12 ارب روپے رکھے گئے ہیں۔

مالیاتی خسارہ 12 ارب ہوگا جبکہ گریڈ ایک سے 17 تک کے ملازمین کی تنخواہوں میں 25 فیصد اضافہ کرنے کی تجویز ہے جبکہ گریڈ 18 اور اس سے اوپر کے ملازمین کی تنخواہوں میں 20 فیصد اضافہ کیا جائے گا۔

گلگت بلتستان میں 4 میگاواٹ کے سولر منصوبے کے لئے 2 ارب روپے رکھے گئے ہیں اور نوجوانوں کے لئے یوتھ لون سکیم کے ذریعے 50 کروڑ روپے رکھے گئے ہیں۔