حج کے خواہشمند خواتین و حضرات کے لئے خوشخبری

اسلام آباد: حج پر روانگی کے خواہشمند خواتین و حضرات کیلئے بڑی خبر آ گئی خاص کر ان لوگوں کیلئے جو پہلی کوشش میں ناکام رہے تھے۔

ترجمان مذہبی امور کے مطابق وزارت مذہبی امور نے حج کے خواہشمند خواتین و حضرات سے سرکاری حج کی محدود نشستوں پر درخواستیں طلب کر لی ہیں۔

محدود نشستوں پر پہلے آئیے پہلے پائیے کی بنیاد پر درخواستیں طلب کی گئی ہیں، ہارڈشپ درخواست فارم وزارت کی ویب سائٹ پر دستیاب ہے.

ترجمان کا کہنا ہے کہ درخواست فارم مذہبی امور کے سیکشن افسر حج پالیسی کو دستی یا بذریعہ ای میل بھجوائیں حج درخواست فارم پر پورے گروپ کی تفصیلات بھجوائی جا سکتی ہے۔