یورپی یونین انٹلیکچوئل پراپرٹی قوانین کی خلاف ورزی پر گوگل پربھاری جرمانہ عائد

پیرس: فرانس کے مسابقتی کمیشن نے گوگل پر یورپی یونین انٹلیکچوئل پراپرٹی قوانین کی خلاف ورزی پر 25 کروڑ یورو کا جرمانہ عائد کردیا۔

یورپی ادارے نے گوگل کے آرٹی فیشل انٹیلی جنس (اے آئی) چیٹ بوٹ بارڈ (جس کا نام اب تبدیل کرکے جیمنائی کر دیا گیا ہے) کے حوالے سے بھی خدشات کا اظہار کیا۔

بیان کے مطابق اے آئی چیٹ بوٹ کو خبر رساں اداروں اور میڈیا اداروں کو آگاہ کیے بغیر ان کے مواد سے تربیت دی جا رہی ہے، کمپنی کی جانب سے اس حوالے سے مختلف اقدامات تجویز کیے گئے تھے مگر ان پر عملدرآمد نہیں کیا گیا۔

یہ جرمانہ فرانس کے بڑے میڈیا اداروں کی جانب سے آن لائن مواد کے بارے میں دائر مقدمے پر عائد کیا گیا، گوگل کی جانب سے اس حوالے سے ابھی تک کوئی بیان جاری نہیں کیا گیا۔