Physical Address
304 North Cardinal St.
Dorchester Center, MA 02124
اسلام آباد:نگران حکومت نے جانے سے پہلے عوام پر گیس اور پٹرول بم برسا دیئے۔گیس65فیصد مہنگی کرنے کی منظوری دینے کے بعد پٹرولیم مصنوعات کی قیمتوں میں 8.37روپے فی لیٹر تک اضافہ کر دیا ہے پٹرول دو روپے73پیسے فی لیٹر مہنگا کیا گیا ہے۔
وزارت خزانہ نے اعلامیہ جاری کردیاہے جس میں بتایا گیا ہے کہ پیٹرول کی قیمت میں 2.73 روپے فی لیٹر اضافہ جبکہ ہائی اسپیڈ ڈیزل کی قیمت 8.37روپے فی لیٹر اضافہ کردیا ہے ۔
اعلامیہ کے مطابق پٹرول کی قیمت 272.89 روپے فی لیٹر سے بڑھا کر 275.62روپے فی لیٹر کردی گئی جبکہ ہائی اسپیڈ ڈیزل کی قیمت 8.37روپے فی لیٹر اضافے سے 278.96 روپے سے بڑھا کر287.33 روپے فی لیٹر کردی ہے۔
نئی قیمتوں کا اطلاق آج سے کردیا گیا ہے جو انتیس فروری تک لاگو رہیں گی اور یکم مارچ کو نئی قیمتوں کا اعلان کیا جائے گا ۔
