سندھ میں 40 ہزار تک تنخواہ والے افراد کیلئے مفت ہیلتھ کارڈ زکا اجرا ء کیاجائے گا،گورنر سندھ

کراچی: گورنر سندھ کامران خان ٹیسوری کا کہنا ہے کہ سندھ میں 40 ہزار تک تنخواہ والے افراد کیلئے مفت ہیلتھ کارڈ زکا اجرا ء کیاجائے گا، گورنر ہاؤس ہو یا میرا اپنا گھرعوام سے تعلق جڑا رہے گا۔

ایک بیان میں کامران خان ٹیسوری نے کہا ہے کہ جن کی تنخواہ 35 سے 40 ہزار ہے عید کے بعد ان کیلئے مفت ہیلتھ کارڈ کا اجراء کیا جائے گا، مفت ہیلتھ کارڈ کے اخراجات مخیر حضرات کے تعاون سے کئے جائیں گے۔

گورنر سندھ کامران خان ٹیسوری نے مزید کہا ہے کہ ہیلتھ کارڈ کے ذریعے 5 لاکھ تک کی ہیلتھ انشورنس مفت ہو گی، کم آمدنی والے افراد ہیلتھ کارڈ سے شہر کے اچھے ہسپتالوں میں اپنا علاج کروا سکیں گے۔

گورنر سندھ کامران خان ٹیسوری نے مزید کہا کہ گورنر ہاؤس ہو یا میرا اپنا گھرعوام سے تعلق جڑا رہے گا۔