بھارت کا جی 20 اجلاس کا وینیو معمولی بارش بھی برداشت نہ کر سکا

نئی دہلی:بھارت میں ہونے والا جی ٹوئنٹی اجلاس دنیا بھر میں جگ ہنسائی کا سبب بن گیا، 4 ہزار کروڑ کی لاگت سے تیار ہونے والا جی ٹوئنٹی اجلاس کا وینیو معمولی بارش بھی برداشت نہ کر سکا۔

بھارتی دارالحکومت نئی دہلی میں بارش کے بعد جی ٹوئنٹی اجلاس کا وینیو تالاب کا منظر پیش کرنے لگا۔

بھارتی میڈیا کے مطابق مودی حکومت نے جی 20 اجلاس کے لیے خصوصی طور پر بین الاقوامی کنونشن سینٹر تعمیر کیا، بین الاقوامی کنونشن سینٹر کی تعمیر پر 2 ہزار 700 کروڑ روپے لاگت آئی تھی۔

بھارتی حکومت کے ناقص انتظامات کے خلاف شوشل میڈیا پر کڑی تنقید کی گئی۔

سویڈش یونیورسٹی کے ریسرچ پروفیسر اشوک سوین نے برساتی پانی میں ڈوبے وینیو کی وڈیو شیئر کر دی۔

خیال رہے کہ بھارتی دارالحکومت نئی دلی میں دو روزہ جی 20 اجلاس کا اختتام ہو گیا، 2024ء کے لیے جی 20 اجلاس کی صدارت برازیل کو دے دی گئی۔