اسرائیل ناسور بن چکا، جنگ کے عالمی اصولوں کو پاؤں تلے روندا جا رہا ہے، فضل الرحمان

پشاور:سربراہ جمعیت علمائے اسلام مولانا فضل الرحمان کا کہنا ہے کہ عرب سرزمین پر اسرائیل ناسور بن چکا ہے،جنگ کے عالمی اصولوں کو پاؤں تلے روندا جا رہا ہے۔

مفتی محمود مرکز میں نماز جمعہ کے اجتماع سے خطاب کرتے ہوئے مولانا فضل الرحمان نے کہا کہ غزہ کے لوگ 75 برسوں سے اپنی آزادی کی جنگ لڑ رہے ہیں، اسرائیل نے ایک دن میں جو بمباری کی شاید امریکہ نے ایک سال میں افغانستان پر نہیں کی۔

مولانا فضل الرحمان نے کہا کہ اسرائیل انسانی حقوق مسلسل پامال کر رہا ہے، شہری عمارتوں سمیت ننھی معصوم جانوں کو مسل رہا ہے، جنگ کے عالمی اصولوں کو پاؤں تلے روندا جا رہا ہے۔

انہوں نے کہا کہ عالمی ادارے خاموش تماشائی بنے ہوئے ہیں، امریکہ اور یورپ بھی بھیڑیوں شکل اختیار کئے ہوئے ہیں۔