ایران میں کوہ پیماؤں کی بس کو حادثہ، 10 افراد ہلاک

تہران:ایران میں کوہ پیماؤں کو لے جانے والی ایک منی بس کھائی میں جاگرنے سے 10 افراد ہلاک اور 8 زخمی ہوگئے ہیں۔

ایرانی میڈیا کے مطابق صوبائی ایمرجنسی سروسز کے ترجمان واحد شدینیا نے بتایا کہ حادثہ ایران کے صوبے مشرقی آذربائیجان کے شہر ورزگھان کے قریب پیش آیا۔

انہوں نے بتایا کہ منی بس پہاڑی علاقے میں ایک سیاحتی گاؤں کی طرف جا رہی تھی جب وہ کسی نامعلوم وجہ سے الٹ گئی اور کھائی میں جا گری۔