نواز شریف چوتھی بار وزیراعظم کا خواب چھوڑ دیں، بیرسٹر گوہر

چغر زئی:پاکستان تحریک انصاف کے رہنما بیر سٹر گوہر کا کہنا ہے کہ فیصلے اب بند کمروں کے بجائے عوام کریں گے، نواز شریف چوتھی بار وزیراعظم کا خواب چھوڑ دیں۔

چغر زئی میں کنونشن سے خطاب کرتے ہوئے بیرسٹر گوہر نے کہا کہ بانی پی ٹی آئی آئین کی بالا دستی پر یقین رکھتے ہیں، بانی پی ٹی آئی کے ٹائیگرز ووٹ کی حفاظت کرنا جانتے ہیں۔

پی ٹی آئی رہنما نے کہا کہ ڈیلوں کی حکومت نہیں چلے گی، اگر 8 فروری کو عوام کو روکا گیا تو ملک کا نقصان ہوگا، بانی پی ٹی آئی عوام کے دلوں میں ہیں، نشان کوئی معنی نہیں رکھتا۔

بیرسٹر گوہر نے مزید کہا کہ بانی پی ٹی آئی ایک سوچ اور نظریہ کا نام ہے، 8 فروری آزاد پاکستان کا دن ہے، عوام ووٹ کے ذریعے مخالفین سے بدلہ لیں گے۔