نیپالی کھلاڑی بھی ملتانی سوہن حلوے کے دیوانے ہوگئے

ملتان: نیپالی کھلاڑی بھی ملتانی سوہن حلوے کے دیوانے ہو گئے۔نیپالی کھلاڑی نے کہا کہ حلوہ واقعی بہت مزے کا ہے۔

پاکستانی آل راؤنڈر فہیم اشرف نے نیپال کے کھلاڑی پرتیش کو ملتانی سوہن حلوہ پیش کیا جس کی ویڈیو پی سی بی کی جانب سے شیئر کی گئی، حلوہ پیش کرتے ہوئے فہیم اشرف نے بتایا کہ ملتانی حلوہ اس شہر کی خاص سوغات ہے۔

ملتان کی سوغات کا لطف اٹھاتے ہوئے نیپالی کھلاڑی نے خوشی کا اظہار کیا اور کہا کہ حلوہ واقعی بہت مزے کا ہے، اس کا الگ ذائقہ ہے۔

نیپالی کرکٹر نے فہیم اشرف سے کہا کبھی موقع ملا تو نیپال کے کھانے آپ کو کھلائیں گے۔

نیپالی کرکٹر نے ساتھ ہی یہ راز بھی پوچھ لیا کہ ٹاس جیتا تو کیا کریں گے؟ اس پر فہیم اشرف نے جواب دیا کہ ان کے خیال میں بیٹنگ کرنی چاہیے مگر معلوم نہیں کپتان کیا فیصلہ کریں گے۔