شمالی وزیرستان ،سیکیورٹی فورسز اور دہشت گردوں کے درمیان فائرنگ کا تبادلہ ،ایک دہشت گرد ہلاک

شمالی وزیرستان کے علاقے اسپن وام میں سیکیورٹی فورسز اور دہشت گردوں کے درمیان فائرنگ کا تبادلہ ہوا۔ ایک دہشت گرد مارا گیا ۔

آ ئی ایس پی آر کے مطابق سیکورٹی فورسز نے مؤثر طریقے سے دہشت گردوں کے ٹھکانے کو نشانہ بنایا. شدید فائرنگ کے تبادلے کے بعد ایک دہشت گرد کو جہنم واصل کر دیا گیا۔

آئی ایس پی آرکاکہنا ہے کہ فائرنگ کے تبادلے میں دو دہشت گرد زخمی ہوئے۔ اسلحہ اور گولہ بارود بھی برآمد ہوا۔ مارا گیا دہشت گرد سیکیورٹی فورسز کے خلاف دہشت گردی کی کارروائیوں کے ساتھ ساتھ معصوم شہریوں کے قتل میں ملوث تھا۔

آئی ایس پی آرکاکہنا ہے کہ علاقے کے مقامی لوگوں نے آپریشن کو سراہا اور علاقے سے دہشت گردی کی لعنت کے خاتمے کے لیے بھرپور تعاون کا اظہار کیا۔