کوئی بیوقوف ہی سمجھتا ہوگا کہ بانی پی ٹی آئی کو رہا کیا جائے گا،شیخ رشید

راولپنڈی :عوامی مسلم لیگ کے سربراہ شیخ رشید احمد کا کہنا ہے کہ کوئی بیوقوف ہی سمجھتا ہوگا کہ بانی پی ٹی آئی کو رہا کیا جائے گا، کینیا کی فلم پاکستان میں دہرائی جاسکتی ہے، 30 اگست سے پہلے حساب ہوگا۔ ایک قبر میں تین مردے ہیں، سپریم کورٹ سے بڑا ریلیف مل سکتا ہے۔

اڈیالہ جیل کے باہر میڈیا سے گفتگو کرتے ہوئے شیخ رشیداحمد کا مزید کہنا تھا کہ آج جیل ٹرائل میں نو مئی مقدمات بارے کوئی فرد جرم عائد نہیں ہوئی، ساڑھے 6 سو لوگوں کو کیوں دھوپ میں مارا گیا؟ پراسیکیوٹر سے آج میری لڑائی ہوئی کیونکہ اس نے کہا تھا کہ میں یہاں پیش نہیں ہوں گا، پراسیکیوٹر نے جج کے خلاف عدم اعتماد کیا تھا جو مسترد ہوا۔

عوامی مسلم لیگ کے سربراہ کامزید کہناتھا کہ شہباز شریف نے کہا یہ آئی ایم ایف کا بجٹ ہے۔ یہ آئی ایم ایف نے بنایا ہے۔قوم کسی لیڈر کا انتظار نہیں کرے گی، ہر طرف بھوک ہی بھوک ہے۔

شیخ رشید احمد نے مزید کہا کہ یہ لڑائی غریب کی لڑائی ہے حلق سے فلک تک غربت ہے، جو جیل میں گیا اس سے 164 کا بیان لیا گیا، میں کل جسٹس طارق جہانگیری کی عدالت سے رہا ہوا ہوں۔