اوپن اے آئی کا سیم آلٹمین کے ساتھ دوبارہ معاہدے کا اعلان

نیویارک: مصنوعی ذہانت کی بڑی کمپنی اوپن اے آئی نے حال ہی میں برطرف کیے گئے سی ای او سیم آلٹمین کے ساتھ دوبارہ معاہدے کا اعلان کر دیا۔

غیر ملکی میڈیا کے مطابق اوپن اے آئی نے اعلان کیا ہے کہ سیم آلٹمین اوپن اے آئی میں بطور سی ای او واپس آ رہے ہیں، رواں ہفتے ہی سیم آلٹمین کو کمپنی کے بورڈ نے سی ای او کے عہدے سے برطرف کیا تھا۔

قبل ازیں یہ خبر سامنے آئی تھی کہ سیم آلٹمین کو واپس نہ لینے پر اوپن اے آئی کو اپنے ادارے میں افراتفری کا سامنا ہے۔

کمپنی کے 8 سو میں سے 7 سو سے زائد ملازمین نے دھمکی دی تھی کہ سیم آلٹمین کو واپس نہ لیا تو وہ بھی مائیکرو سوفٹ میں ملازمت اختیار کر لیں گے۔