آئی سی سی کی جانب سے پاکستانی کرکٹر سدرا امین پر جرمانہ عائد

لاہور: انٹرنیشنل کرکٹ کونسل (آئی سی سی) نے پاکستانی کرکٹر سدرا امین پر کوڈ آف کنڈکٹ کی خلاف ورزی پر جرمانہ عائد کر دیا۔

آئی سی سی کے مطابق سدرا امین کو میچ فیس کا 10 فیصد جرمانہ اور ایک ڈی میرٹ پوائنٹ دیا گیا، قومی کھلاڑی نے پاکستان اور بنگلادیش کی ویمنز ٹیموں کے میچ کے دوران آئی سی سی کوڈ آف کنڈکٹ کے لیول ون کی خلاف ورزی کی تھی۔

آئی سی سی کا کہنا ہے کہ پاکستانی کرکٹر سدرا امین نے بنگلا دیش کے خلاف پہلے میچ میں امپائر کے فیصلے پر غیر مناسب رویہ اختیار کیا۔

دوسری جانب سدرا امین نے غلطی تسلیم کرتے ہوئے اپنی سزا قبول کر لی۔