پاکستانی وفدکرکٹ ورلڈکپ میچز کے وینیوز کا جائزہ لینے بھارت کا دورہ کرے گا

لاہور: آئی سی سی مینز کرکٹ ورلڈکپ کے لیے پاکستانی وفد بھارت کا دورہ کرے گا۔وفد میچز کے وینیوز کا جائزہ لے گا ۔

ذرائع کے مطابق پاکستان کا وفد ورلڈکپ میچز کے وینیوز کا جائزہ لے گا، وفد پاکستان کے میچز کے وینیوز، سکیورٹی اور دیگر انتظامات کا جائزہ لینے بھارت جا رہا ہے۔

ذرائع کا کہنا ہے کہ پاکستانی وفد وزرات داخلہ اور وزارت خارجہ کی مشاورت سے بھیجا جائے گا، وفد چنئی، بنگلورو، حیدرآباد، کولکتہ اور احمد آباد کا دورہ کرے گا۔

خیال رہے کہ اس سے قبل ورلڈکپ کے شیڈول کے اعلان کے بعد پاکستان کرکٹ بورڈ (پی سی بی) نے اپنے بیان میں بتایا تھا کہ پاکستانی ٹیم بھارت بھیجنے کا فیصلہ حکومت کرے گی۔