پرویز الہی سے ان کی فیملی ممبران کی اڈیالہ جیل میں ملاقات

راولپنڈی:سابق وزیراعلی پنجاب چوہدری پرویز الہی سے ان کی فیملی نے راولپنڈی سنٹرل اڈیالہ جیل میں ملاقات کی، 45 منٹ تک جاری رہنے والی ملاقات میں خاندانی اور سیاسی معاملات پر گفتگو کی گئی ۔

جیل ذرائع نے بتایا کہ سابق وزیراعلی پنجاب سے ان کی فیملی کی اڈیالہ جیل میں خصوصی ملاقات ہوئی۔

ملاقات کے دوران زیر سماعت مقدمات اور انکے دفاع بارے بھی گفتگو کی گئی۔

ملاقات کرنے والوں میں راسخ الہی،قیصرہ الہی، برما نوید اور بسما نوید شامل تھے، ملاقات اڈیالہ جیل کے کانفرنس روم میں ہوئی جو45 منٹ تک جاری رہی۔

چوہدری پرویز الہی کی فیملی ملاقات کے بعد اڈیالہ جیل سے واپس روانہ ہو گئی۔