وزیراعظم شہباز شریف ایس سی او اجلاس میں بذریعہ ویڈیولنک شریک ہوں گے

اسلام آباد:وزیراعظم شہباز شریف بھارت کی میزبانی میں ہونے والے 23 ویں ایس سی او سربراہ اجلاس میں بزریعہ ویڈیو لنک شرکت کریں گے۔وزیراعظم کو کانفرنس میں شرکت کی دعوت بھارتی ہم منصب نریندرمودی نے دی تھی۔

وزیراعظم شہباز شریف بھارت میں 4 جولائی کو ہونیوالے شنگھائی تعاون تنظیم (ایس سی او) کے سربراہ اجلاس میں ویڈیو لنک کے ذریعے شریک ہوں گے ۔

وزیراعظم کو کانفرنس میں شرکت کی دعوت بھارتی وزیراعظم نریندرمودی نے دی تھی۔

اجلاس میں علاقائی اور عالمی معاملات پر تبادلہ خیال کیا جائے گا ، اجلاس میں وزیراعظم کی شرکت پاکستان کی ایس ای او کے لئے اہمیت ظاہر کرتی ہے۔

واضح رہے کہ ایس سی اوسربراہ اجلاس کی صدارت بھارتی وزیراعظم نریندر مودی کریں گے، اجلاس میں چین، روس، قازقستان، کرغزستان، پاکستان، تاجکستان اور ازبکستان شریک ہوں گے۔

اجلاس میں ایس سی او کے رکن ممالک کے درمیان تعاون کی مستقبل کی سمت پر مشاورت کی جائے گی اور تنظیم کے نئے رکن کے طور پر ایران کا خیرمقدم کیا جائے گا۔

یاد رہے کہ چند ہفتے قبل وزیرخارجہ بلاول بھٹو زرداری نے بھارت کا دورہ کرکے شنگھائی تعاون تنظیم کے وزرائے خارجہ اجلاس میں شرکت کی تھی اور پاکستان کا موقف بھرپور انداز میں اٹھایا تھا۔