وزیراعظم جلد اپنے ہاتھوں سے فنکاروں کو ہیلتھ کارڑ دیں گے،مریم اورنگزیب

اسلام آباد:وفاقی وزیر اطلاعات و نشریات مریم اورنگزیب نے فنکاروں کے لئے ہیلتھ انشورنس رجسٹریشن فارم کا اجرا کرتے ہوئے کہا ہے کہ صحافیوں کی طرح فنکاروں کے کے لئے حکومت نے ہیلتھ انشورنس پروگرام شروع کر دیا ہے ، وزیراعظم شہباز شریف جلد اپنے ہاتھوں سے فنکاروں کو ہیلتھ کارڑ دیں گے ۔

ایک بیان میں مریم اورنگزیب نے کہا ہے کہ 2023-24 کے بجٹ میں پاکستان کی تاریخ میں پہلی مرتبہ صحافیوں، میڈیا ورکرز کی ہیلتھ انشورنس پروگرام کے لئے فنڈز مختص کیے گئے ہیں ۔ پہلے صحافیوں کی ویلفیئر فنڈ تھا لیکن اس حکومت نے ہیلتھ انشورنس کا پروگرام بھی شروع کیا ہے ۔

انہوں نے کہا کہ فنکاروں نے ہمیشہ پاکستان کے کلچر ،تہذیب اور ادبی ورثے کوفروغ دیا ، جسیے کلچر ہمارا ورثہ ہوتے ہیں اور اسی طرح فنکار بھی ہمارا ورثہ ہیں ۔ انہوں نے کہاکہ صحافیوں کی طرح فنکاروں کے لئے بھی ہیلتھ انشورنس پروگرام شروع کر دیا گیا ہے ۔ فنکار کسمپرسی کی حالت میں بھی کسی سے شکایت نہیں کرسکتے تھے ، فنکارں کو صحت کی جدید سہولیات فراہم کرنے کے لئے آرٹسٹ ہیلتھ انشورنس پروگرام شروع کر دیا گیا ہے ۔ www.demp.gov پر فنکار اپنے آپ کو رجسٹرڈ کریں ۔

وفاقی وزیر نے کہا کہ صحت سہولت تک رسائی ایک طریقہ کار کے ذریعے ہوسکے گی، فنکاروں کو پرائیویٹ ہسپتالوں میں علاج کی سہولت مل سکے گی ۔

انہوں نے کہا کہ وزیراعظم محرم الحرام کے بعد اس پروگرام کا باقاعدہ اجرا کریں گے ،اس سے قبل تمام فنکار اپنی رجسٹریشن کا عمل مکمل کرلے۔