وزیر اعظم کی طارق فضل چودھری کے گھر آمد، بیٹے کے انتقال پر اظہار تعزیت ،فاتحہ خوانی

اسلام آباد: مسلم لیگ ن کے سینئر رہنما طارق فضل چوہدری کے بیٹے کی نماز جنازہ چٹھہ بختاور اسلام آباد میں ادا کر دی گئی ۔جبکہ وزیر اعظم شہباز شریف طارق فضل چودھری کے گھر گئے اور ان سے بیٹے کے انتقال پر تعزیت کا اظہار کیا ۔

وزیر اعظم شہباز شریف بیٹے کے انتقال پر اظہار تعزیت کیلئے مسلم لیگ (ن) کے رہنما ڈاکٹر طارق فضل چودھری کی رہائش گاہ پہنچے۔

وفاقی وزراء اسحاق ڈار، خواجہ سعد رفیق، مریم اورنگزیب، خرم دستگیر اور مشیر وزیر اعظم احد چیمہ بھی وزیراعظم کے ساتھ تھے۔

وزیر اعظم نے ڈاکٹر طارق فضل چودھری کے جواں سال صاحبزادے کی وفات پر اہل خانہ سے دلی رنج وغم کا اظہار کیا، شہباز شریف نے مرحوم کیلئے فاتحہ خوانی کی اور درجات کی بلندی، اہل خانہ کیلئے صبر جمیل کی دعا بھی کی۔

قبل از یں لیگی رہنما طارق فضل چوہدری کے بیٹے کی نماز جنازہ چٹھہ بختاور اسلام آباد میں ادا کر دی گئی ۔جس میں سپیکر قومی اسمبلی راجا پرویز اشرف سمیت دیگر سیاسی وسماجی شخصیات اور عوام علاقہ نے شرکت کی ۔