پی ٹی آئی رہنماؤں کی عمران خان سے اڈیالہ جیل میں ملاقات جاری

راولپنڈی: حکومت نے تحریک انصاف کے پانچ رہنماؤں کو بانی پی ٹی آئی عمران خان سے ملاقات کی اجازت دے دی۔جیل میں بانی پی ٹی آئی سے ملاقات جاری ہے ۔

ذرائع کے مطابق 26ویں آئینی ترمیم کے معاملے پر مشاورت کیلئے تحریک انصاف نے پانچ افراد کے لئے بانی پی ٹی آئی سے ملاقات کی اجازت مانگی تھی۔

ذرائع کا کہناہے کہ حکومت کی جانب سے تحریک انصاف کے پانچ افراد بیرسٹر گوہر، علی ظفر، اسد قیصر، سلمان اکرم راجہ اور صاحبزادہ حامد رضا کو ملاقات کی اجازت دی گئی ہے، ملاقات کے وقت کا فیصلہ تحریک انصاف نے کرنا ہے، اِلتوا یا تاخیر کی ذمہ داری تحریک انصاف پر ہو گی۔

ذرائع کے مطابق پی ٹی آئی کے پانچوں رہنماء گرم جوشی سے بانی پی ٹی آئی کو ملے، جیل میں بانی پی ٹی آئی سے ملاقات جاری ہے