ایم ڈی کیٹ کا ٹیسٹ دوبارہ لیا جائے، طلبا اسلام آباد ہائی کورٹ پہنچ گئے

اسلام آباد: میڈیکل ایڈمشن کے لیے ایم ڈی کیٹ کا ٹیسٹ دوبارہ لیا جائے، طلبا اسلام آباد ہائی کورٹ پہنچ گئے۔

درخواست گزار درخواست گزار چھ طلبا عمار نعیم، شاہ زیب وزیر، صبا ایمان اور دیگر اسلام آباد ہائی کورٹ میں درخواست دائر کی ہے کہ میڈیکل ایڈمشن ٹیسٹ دوبارہ لینے کے احکامات جاری کیے جائیں، متبادل ریلیف کے طور پر آؤٹ آف سلیبس سوالات پر گریس مارکس دینے کے احکامات دیے جائیں۔

طلبا نے اپنی پٹیشن میں وفاق کو بذریعہ سیکرٹری، وزارت صحت اور صدر پی ایم ڈی سی سمیت شہید ذوالفقار علی بھٹو میڈیکل یونیورسٹی کے وائس چانسلر اور چیئرمین نیشنل میڈیکل اینڈ ڈینٹل بورڈ بھی فریقین بنانے کی استدعا کی ہے۔