Physical Address
304 North Cardinal St.
Dorchester Center, MA 02124
میئن: امریکی ریاست میئن کے شہر لیوسٹن کے مختلف علاقوں میں فائرنگ سے کم از کم 22 افراد ہلاک جبکہ 60 سے زائد شدید زخمی ہو گئے ہیں۔
امریکی میڈیا کے مطابق لیوسٹن شہر میں ملزم نے پہلے باؤلنگ کلب میں فائرنگ کی جس سے 10 افراد موقع پر ہی ہلاک ہوئے۔ بعد میں لوکل بار اور والمارٹ ڈسٹری بیوشن سینٹر پر بھی فائرنگ کی۔
امریکی میڈیا کے مطابق فائرنگ کے بعد ملزم فرار ہوگیا ہے، حکام نے علاقے میں تمام بزنسز بند کرنے کی ہدایت کردی ہے۔
امریکی پولیس نے ملزم کی تصویر بھی جاری کردی ہے جو کہ خودکار رائفل تھامے ہوئے ہے، ملزم کی شناخت رابرٹ کارڈ کے نام سے کی گئی تاہم حملے کی وجہ سامنے نہیں آسکی۔
امریکی پولیس نے ہدایت کی ہے کہ ملزم کی گرفتاری تک شہری اپنے گھروں سے باہر نہ نکلیں جبکہ ریاست کی اسپتالوں میں ایمرجنسی نافذ کردی گئی ہے۔
ریاست میئن کے گورنر کا کہنا ہے کہ شہری بلاجواز باہر نہ نکلیں، سیکیورٹی اہلکار حالات کا جائزہ لے رہے ہیں۔
امریکی میڈیا کے مطابق لیوسٹن 37 ہزار آبادی پر مشتمل شہر ہے اور پورٹ لینڈ کے شمال میں واقع ہے۔
