ذکا اشرف کو ہٹانے کی سمری وزیراعظم آفس کو ارسال

اسلام آباد: پی سی بی مینجمنٹ کمیٹی کے سربراہ ذکا اشرف کو ہٹانے کی سمری وزیراعظم آفس کو ارسال کردی گئی۔

وزارت بین الصوباٸی رابطہ نے سمری وزیراعظم آفس کو ارسال کر دی جس میں کہا گیا ہے کہ سیاسی بنیادوں پر کی گئی تقرریوں کو ختم کرتے ہوئے ذکا اشرف کو فوری طور پر عہدے سے ہٹایا جائے۔

وزارت بین الصوباٸی رابطہ کی جانب سے چیٸرمین فیڈرل لینڈ کمیشن کو عہدے سے ہٹانے کی سمری بھی وزیراعظم کو بھجواٸی گئی ہے۔

خیال رہے کہ سابقہ وفاقی حکومت نے ‏5 جولائی 2023 کو پاکستان کرکٹ بورڈ کی نئی مینجمنٹ کمیٹی بنانے کی منظوری دی تھی اور ذکا اشرف کو کمیٹی کا چیئرمین مقرر کیا تھا۔