ٹی 20 ورلڈ کپ،ویسٹ انڈیز نے پاپوانیوگنی کو 5 وکٹوں سے ہرا دیا

گیانا: ٹی 20 ورلڈ کپ کے دوسرے میچ میں ویسٹ انڈیز نے پاپوانیوگنی کو 5 وکٹوں سے شکست دیدی۔

گیانا جارج ٹاؤن کے پروویڈنس سٹیڈیم میں ہونیوالے ٹی 20 ورلڈ کپ کے دوسرے میچ میں پاپوانیوگنی نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 136 رنز بنائے، سیس باؤ 50 رنز کیساتھ نمایاں رہے۔

ویسٹ انڈیز کی جانب سے الزاری جوزف اور آندرے رسل نے 2، 2 جبکہ عقیل حسین، روماریو شیفرڈ اور گڈاکیش موتی نے ایک ایک وکٹ حاصل کی۔

قبل ازیں ویسٹ انڈیز کرکٹ ٹیم کے کپتان روومان پوویل نے ٹاس جیت کر پاپوانیوگنی کے کپتان کو پہلے بیٹنگ کی دعوت دی تھی۔