یونان کشتی حادثہ، جاں بحق ہونے والے مزید 4 پاکستانیوں کی میتیں پاکستان پہنچا دی گئیں

لاہور :یونان کشتی حادثہ میں جاں بحق ہونے والوں کی میتوں کی پاکستان منتقلی کا عمل جاری ہے حادثے میں جاں بحق ہونے والے مزید 4 پاکستانیوں کی میتیں لاہور ایئر پورٹ پہنچا دی گئیں۔

اوورسیز پاکستانیز فاوٴنڈیشن کے نمائندوں نے میتیں وصول کر کے ورثاء کے حوالے کر دیں جبکہ میتیوں کو ایمبولینسز کے ذریعے آبائی علاقوں کے لیے روانہ کر دیا گیا ہے۔

ارسلان اور ابوبکر کی میتیں نوشہرہ ورکاں جبکہ عدنان کی میت گجرات اور علی اعجاز کی میت منڈی بہاوٴ الدین روانہ کی گئی ہے۔
ایف آئی اے ذرائع کے مطابق 22 جولائی کو یونان سے 6 مزید میتیں پاکستان لائی جائیں گی۔

خیال رہے کہ گزشتہ روز بھی 3 میتیں لاہور ایئر پورٹ لائی گئی تھیں۔