اسلام آباد ہائی کورٹ نے صداقت عباسی کی بازیابی کے لیے دائر درخواست نمٹا دی

اسلام آباد:اسلام آباد ہائی کورٹ نے سابق ایم این اے صداقت عباسی کی بازیابی کے لیے دائر درخواست نمٹا دی گئی ۔

چیف جسٹس عامر فاروق نے کیس کی سماعت کی ۔ایڈیشنل اٹارنی جنرل منور اقبال دوگل ، وزارت داخلہ، پولیس حکام عدالت میں پیش ہوئے جبکہ ڈاکٹر بابر اعوان درخواست گزار کی جانب سے عدالت میں پیش ہوئے ۔

سماعت کے دوران چیف جسٹس کا بابر اعوان سے مکالمہ ہوا جی ڈاکٹر صاحب بندہ واپس آگیا ہے۔ وکیل بابر اعوان نے کہا کہ میں اس مرد حریت کو سلام پیش کرنا چاہتا ہوں جس نے بندہ بازیاب کروادیا ،بابر اعوان کی بات پر چیف جسٹس نے قہقہ لگااور کہا کہ آپ نے ایک لائن میں پوری بات کردی پھر تو کیسں نمٹادیتے ہیں۔

بعدازاں عدالت نے صداقت عباسی کی بازیابی کے بعد درخواست نمٹا دی