حکمران خوشحال ہوگئے عوام بدحال ہوگئی،شیخ رشید

اسلام آبادسربراہ عوامی مسلم لیگ اور سابق وفاقی وزیر داخلہ شیخ رشید احمدکاکہناہے کہ حکمران خوشحال ہوگئے عوام بدحال ہوگئی قوم نے ہمت نہیں ہارنی ہارتا وہی ہے جو ہار مانتا ہے، صدا دن ایک جیسے نہیں رہتے فتح عوام کی ہوگی۔

سماجی رابطے کی ویب سائٹ ٹوئٹر پر شیخ رشید احمد نے کہا کہ ساری قوم کو عید الاضحیٰ مبارک ہو، زندگی میں پہلی دفعہ قربانی خریدنا، قربانی دینا، لیاقت باغ میں ہمیشہ کی طرح عید کی نماز پڑھنا اور لال حویلی میں سارا دن حلقہ احباب سے عید ملنا مشکل بنا دیا گیا ہے۔

عوامی مسلم لیگ کے سربراہ نے کہا کہ حکمران خوشحال ہوگئے عوام بدحال ہوگئی، صدا دن ایک جیسے نہیں رہتے فتح عوام کی ہوگی، موت کے منہ سے بھی کامیابی چھینیں گے، جو پولیس کے عقوبت خانوں میں جیل کے زندانوں میں بخشی خانوں میں بے گناہ بند ہیں اللہ ان کی مدد فرمائے ان کیوالدین کو ہمت وحوصلہ عطا کرے۔

شیخ رشیداحمد نے کہا کہ بڑا وہی ہوتا ہے جس کا ظرف بڑا ہوتا ہے، بعض چھوٹے لوگ بڑے گھروں میں آ گئے ہیں جو کہ انجام کو پہنچیں گے۔