سپریم کورٹ نے ملک میں ایک ہی دن انتخابات کرانے سے متعلق کیس کا تحریری حکمنامہ جاری کردیا

اسلام آباد:ملک بھر میں انتخابات ایک دن کرانے کا کیس،سپریم کورٹ ایک ساتھ انتخابات پر اتفاق رائے کیلئے پرامید، پانچ مئی کی عدالتی سماعت کا تحریری حکمنامہ جاری کردیا گیا۔

سپریم کورٹ نے پورے ملک میں ایک ہی دن انتخابات کرانے سے متعلق کیس کا تحریری حکمنامہ جاری کردیا.

تحریری حکمنامہ میں کہا گیا ہے کہ جماعتوں کی سیاسی ایشو کو مذاکرات سے حل کرنے کی کوشش قابل ستائش ہے،سیاسی ایشوز مذاکرات اور اتفاق رائے سے ہی بہتر انداز میں حل ہوسکتے ہیں۔

توقع ہے سیاسی جماعتیں ایک تاریخ پر ملک بھر میں انتخابات پر متفق ہوجائیں گی، پی ٹی آئی اور حکومتی کمیٹیوں نے مذاکراتی عمل پر اپنی اپنی رپورٹس جمع کرائیں۔سعد رفیق نے بتایا کہ ایک ساتھ انتخابات کرانے پر اتفاق رائے ہوگیا ہے۔

حکم نامے میں مزید کہا گیا ہے کہ سعد رفیق نے کہا مذاکرات جاری رہے تو تاریخ پر بھی اتفاق ہوجائے گا۔

شاہ محمود قریشی نے جواب میں مذاکرات میں پیشرفت پر مایوسی کا اظہار کیا،مقدمہ کی سماعت غیر معینہ مدت تک ملتوی کی جاتی ہے۔