Physical Address
304 North Cardinal St.
Dorchester Center, MA 02124
راولپنڈی: پنجاب کے شہر بہاولنگر کے تھانے میں پیش آنے والے واقعے پر فوج کی جانب سے کہا گیا ہے کہ اس افسوس ناک واقعے کی پولیس اور سیکیورٹی اہلکاروں پر مشتمل شفاف انکوائری کی جائے گی۔
آئی ایس پی آر سے جاری بیان میں کہا گیا کہ حال ہی میں بہاولنگر میں ایک افسوس ناک واقعہ پیش آیا، جس کو فوج اور پولیس حکام کی مشترکہ کوششوں سے فوری طور پر حل کیا گیا۔
آئی ایس پی آر کا کہنا ہے کہ اس کے باوجود مخصوص مقاصد کے حامل بعض افراد نے ریاستی اداروں اور سرکاری محکموں کے درمیان خلیج پیدا کرنے کے لیے سوشل میڈیا پر پروپیگنڈا شروع کر دیا۔
آئی ایس پی آر کا کہنا ہے کہ شفاف انکوائری، قانون کی خلاف ورزی اور اختیارات کے غلط استعمال کی ذمہ داری کا تعین یقینی بنانے کے لیے سیکیورٹی اور پولیس اہلکاروں پر مشتمل مشترکہ انکوائری کی جائے گی۔
