مظفرآباد میں زیر تعمیر پل گرنے سے تین محنت کش جاں بحق

آزادکشمیر کے دارالحکومتمظفرآباد کی تحصیل نصیر آباد کے علاقے دھنی کے مقام پر زیر تعمیر بیلی برج لانچنگ کے مرحلے پر پھسل کر گرنے سے تین محنت کش جاں بحق جبکہ تین زخمی ہو گئے ۔

پولیس کی مطابق زیرین وادی نیلم کے علاقے دھنی اور گھنڈی کو ملانے کے لئے بیلی برج زیر تعمیر ہے جسکو آج ہیوی مشینری کے زریعہ لانچ کر کے ستونوں پر پہنچایاجا رہا تھا جو پھسل کر گرگیا جس کی نتیجہ میں موقعہ پر کام کرنیوالے چار ٹیکنکل ماہراور محنت کش مزدور جاں بحق ہو گئے جبکہ تین مزدور زخمی ہیں ۔

جاں بحق اور زخمی ہونے والے تمام لوگ مقامی ہیں زخمیوں کو کمپائنڈ ملٹری ہسپتال مظفرآباد منتقل کر دیا گیا دوسری طرف مقامی آبادی نے حادثہ کی ذمہ داری ٹھیکیدار پر ڈالتے ہوئے الزام لگایا کہ حادثہ غفلت اور مکمل حفاظتی انتظامات ہونے کے وجہ سے پیش آیا۔

مقامی آبادی نے دھنی کے مقام پر مرکزی شاہرآہ نیلم روک کر احتجاج شروع کردیا اور مطالبہ کیا کہ واقعہ کی تحقیقات کر کے ذمہ داروں کو سزا دی جائے جبکہ جاں بحق ہونے والوں کے لواحقین اور زخمیوں کو معاوضہ دیا جائے۔