یو اے ای 2031ء کے اکنامک اہداف کی طرف گامزن ہے، شیخ محمد بن زید

دبئی:متحدہ عرب امارات کی رواں برس ریکارڈ تجارتی ترقی پر اماراتی نائب صدر، وزیراعظم اور دبئی کے حکمران شیخ محمد نے تشکر کا اظہار کیا ہے۔

شیخ محمد بن زید نے کہا کہ یو اے ای 2031ء کے اکنامک اہداف کی طرف گامزن ہے، جو غیر ملکی تجارتی ہدف کو 4 ٹریلین درہم سالانہ تک پہنچنا ہے۔

انہوں نے کہا کہ امارات نے غیرملکی تجارت کا ایک اہم سنگ میل عبور کرلیا، ہم نے سالانہ برآمدی ہدف 6 ماہ میں ہی مکمل کرلیا۔

شیخ محمد بن زید نے مزید کہا کہ غیرملکی تجارت صرف 6 ماہ میں ایک اعشاریہ 4 ٹریلین درہم تک پہنچ گئی۔ ملکی برآمدات میں 25 فیصد اضافہ ہوا، جس میں تیل کی برآمدات شامل نہیں۔

اماراتی نائب صدر و وزیراعظم نے یہ بھی کہا کہ امارات کی عراق کے ساتھ تجارت میں 41 فیصد اضافہ ہوا جبکہ ترکی کے ساتھ تجارت میں 15 فیصد اضافہ ہوا۔

اُن کا کہنا تھا کہ امارات کی بھارت کے ساتھ تجارت میں 10 فیصد اضافہ ہوا۔

شیخ محمد بن زید نے کہا کہ عالمی تجارت کی شرح نمو ایک اعشاریہ 5 فیصد کے لگ بھگ رہی جبکہ یو اے ای نے 11 اعشاریہ 2 فیصد کی سالانہ شرح نمو حاصل کی۔