ہالی ووڈ کے سینئر اداکار رے اسٹیونسن انتقال کر گئے

اٹلی: ہالی ووڈ کے سینئر اداکار رے اسٹیونسن 58 برس کی عمر میں چل بسے۔اسٹیونسن کی موت کس وجہ سے ہوئی اس حوالے سے تاحال کوئی معلومات فراہم نہیں کی گئی ہیں۔

غیر ملکی میڈیا رپورٹ کے مطابق مشہور بھارتی فلم ’آر آر آر‘ میں ویلن گورنر اسکاٹ کا کردار ادا کرنے والے آئرش اداکار اٹلی میں انتقال کر گئے۔

اسٹیونسن کی موت کس وجہ سے ہوئی اس حوالے سے تاحال کوئی معلومات فراہم نہیں کی گئی ہیں۔

بھارتی فلم کے ہدایتکار سمیت دیگر فنکاروں نے اسٹیونسن کی موت پر گہرے دْکھ کا اظہار کیا ہے۔شمالی آئرلینڈ سے تعلق رکھنے والے رے اسٹیونسن 1990 کی دہائی میں ٹی وی ڈراموں میں قدم رکھا اور پھر کئی فلموں میں بھی اہم کردار ادا کئے۔

خیال رہے کہ رے اسٹیونسن نے مارول کی فرنچائز کی ’تھور‘،’وار زون‘ اور کنگ آرتھر جیسی فلموں سے خوب نام کمایا جس کے بعد انہوں نے ایس ایس راجمولی کی جنوبی بھارتی فلم ’آر آر آر‘ کے زریعے تامل فلم انڈسٹری میں ڈیبیو کیا۔