خواتین کبھی بھی کم پر راضی نہ ہوں اور سمجھوتا نہ کریں،اداکارہ سعیدہ امتیاز

کراچی: پاکستان شوبز کی خوبرو اداکارہ سعیدہ امتیاز نے بتایا ہے کہ انہیں اپنے ہمسفر میں کونسی خوبیاں چاہیے۔تاہم انہوں نے خواتین کو مشورہ دیا ہے کہ وہ کبھی بھی کم پر راضی نہ ہوں اور سمجھوتا نہ کریں۔

سعیدہ امتیاز کو اپنے لئے کیسے شخص کی تلاش ہے اداکارہ نے اپنی حالیہ ٹوئٹ میں بتا دیا۔

سعیدہ نے ٹوئٹر پر اپنی ایک خوبصورت تصویر شیئر کرتے ہوئے کہا کہ ’میری بڑی بہن نے کہا ایسے آدمی سے شادی کرو جو واقعی نرم دل ہو۔

اداکارہ نے مزید کہا کہ ’میں نے اپنی بہن سے کہا میں اس شخص سے شادی کروں گی جو سگریٹ اور شراب نہیں پیتا ہو۔‘ سعیدہ امتیاز نے ساتھ ہی خواتین کو یہ مشورہ بھی دیا کہ وہ کبھی بھی کم پر راضی نہ ہوں اور سمجھوتا نہ کریں۔

خیال رہے کہ حال ہی میں اداکارہ سعیدہ امتیاز کی موت کی جھوٹی خبر سوشل میڈیا پر وائرل ہوگئی تھی جس نے خوب واویلا مچایا تاہم اداکارہ نے ان خبروں کی تردید کر دی تھی۔