ورلڈ کپ، بھارت کی جنوبی افریقہ کیخلاف بیٹنگ جاری

کولکتہ: بھارت میں جاری آئی سی سی کرکٹ ورلڈ کپ کے 37ویں میچ میں میزبان بھارت کی جنوبی افریقہ کیخلاف بیٹنگ جاری ہے۔

بھارتی شہر کولکتہ کے ایڈن گارڈنز سٹیڈیم میں کھیلے جا رہے میچ میں جنوبی افریقہ کی قیادت ٹیمبا باووما کر رہے ہیں جبکہ بھارت کی کمان روہت شرما نے سنبھال رکھی ہے۔

کرکٹ کے میگا ایونٹ میں دونوں ٹیمیں اب تک اپنے 7،7 میچز کھیل چکی ہیں جن میں سے بھارت تمام میچز میں ناقابل شکست رہا ہے جبکہ ساؤتھ افریقہ نے 7 میں سے 6 میچز میں فتح حاصل کی اور ایک میں اسے ناکامی کا سامنا کرنا پڑا۔

خیال رہے کہ دونوں ٹیمیں سیمی فائنل کیلئے کوالیفائی کر چکی ہیں۔