شمالی کوریا نے غزہ میں خونریزی کا ذمہ دار اسرائیل کو قرار دے دیا

پیانگ یانگ: شمالی کوریا کی حکومت نے غزہ میں خونریزی کا ذمے دار اسرائیل کو قرار دیتے ہوئے کہا ہے کہ اسرائیل اور فلسطین مسئلے کا حل آزاد فلسطینی ریاست کا قیام ہے ۔

روڈونگ سنمن اخبار میں لکھے گئے آرٹیکل میں شمالی کوریا کی حکمران جماعت کے ترجمان نے غزہ میں حالیہ خراب صورت حال اور خونریزی کا ذمے دار اسرائیل کو قرار دیا۔

اپنی تحریر میں انہوں نے لکھا ہے کہ غزہ اور اسرائیل کے درمیان جھڑپیں اسرائیل کی فلسطینی عوام کے خلاف مسلسل مجرمانہ کارروائیوں کا نتیجہ ہے، اسرائیل اور فلسطین مسئلے کا حل آزاد فلسطینی ریاست کا قیام ہے۔