عمران خان کی جانب سے راناثنااللہ کے بیان کیخلاف درخواست دائر

اسلام آباد : چیئرمین تحریک انصاف عمران خان کی جانب سے وزیر داخلہ راناثنااللہ کے بیان کیخلاف درخواست دائر کردی گئی۔

تفصیلات کے مطابق اسلام آباد ہائی کورٹ میں وفاقی وزیر داخلہ راناثنااللہ کے بیان کیخلاف درخواست دائر کردی گئی، درخواست عمران خان کی جانب سےدائرکرائی گئی ہے۔

یاد رہے وزیرداخلہ رانا ثنااللہ نے ایک انٹرویو میں کہا تھا کہ عمران خان معاملات کو جس سطح پر لے گئے ہیں۔ اب وہ سیاست سےمائنس ہوجائیں گے یا ہم۔

رانا ثنااللہ کا کہنا تھا کہ جب ہم سمجھیں گے ہمارے وجود کی نفی ہو رہی ہے تو ہرحد تک جائیں گے، پھر یہ نہیں سوچا جاتا کہ یہ جمہوری ہے یہ غیرجمہوری اور یہ اصولی یہ بے اصولی۔

انھوں نے مزید کہا تھا کہ ملک اور ملک کی سیاست کو وہاں پر لاکھڑا کردیا ہے کہ اب دونوں میں سے ایک کا وجود ہی باقی رہے گا، انارکی پھیلی ہوئی ہے، عمران خان کے ساتھ جتنے لوگ ہیں وہ ہمیں اپنا دشمن سمجھتے ہیں۔