اسلام آباد: چیئرمین سینیٹ سید یوسف رضا گیلانی نےایوان بالا میں 21 یونیورسٹیوں کے طلبہ کے لیے سمر انٹرن شپ پروگرام کے آغاز کی باضابطہ منظوری دے دی ہے۔ اٹھ ہفتے پر مشتمل پروگرام کا آغاز رواں ماہ کی سولہ تاریخ سے ہو گا۔
اس انٹرن شپ میں (FAST)، (NUML) اور نیشنل یونیورسٹی آف سائنس اینڈ ٹیکنالوجی کے سوشل سائنس اور ٹیکنالوجی کے نئے گریجویٹس شامل ہونگے ۔ جنہیں سینیٹ آف پاکستان کے قانون سازی اور انتظامی سیٹ اپ میں خاص طور پر بجٹ اجلاس کے دوران شامل کیا گیا ہے۔
نامزد طلبہ کو پاکستان انسٹی ٹیوٹ آف پارلیمانی سروسز میں پاکستان کے آئین اور سینیٹ آف پاکستان اور اس کے سیکرٹریٹ اور قائمہ کمیٹیوں میں قانون سازی اور انتظامی عمل کے حوالے سے پروگرام کے آغاز سے قبل دو دن کے لئے آگاہی دی جائے گی۔
