اسلام آباد:وفاقی وزیر اطلاعات ونشریات عطاءاللہ تارڑ نے کہا ہے کہ جب بھی کسی ملک کا سربراہ پاکستان آتا ہے یہ لوگ دورہ سبوتاژ کرنےکی کوشش کرتے ہیں ایران کے صدر کل سے پاکستان کا دورہ کر رہے ہیں اپوزیشن کا مقصد صرف اور صرف ملک میں انارکی پھیلانا ہے۔پی ٹی آئی دور میں ناقص پالیسیوں کی وجہ سے ملکی معیشت کو نقصان پہنچا۔اپوزیشن کے پاس جھوٹے پروپیگنڈا کے سواکچھ نہیں اپوزیشن کے پاس کہنے کو کچھ نہیں ، صرف تنقید کرنا جانتے ہیں۔
وفاقی وزیر اطلاعات عطاء اللہ تارڑ نے اپوزیشن کی پریس کانفرنس کے حوالے سے خصوصی گفتگو کرتے ہوئے کہا کہ نا کامی پی ٹی آئی والوں کامقدرہےان لوگوں کو منہ کی کھاناپڑے گی ۔مصطفیٰ نواز کھوکھر کا خاندان رئیل اسٹیٹ سے تعلق رکھتا ہےکاش یہ لوگ 190ملین پاؤنڈ کیس پر بات کرتے ۔اب عوام کو بیوقوف نہیں بنایا جا سکتا ۔
وزیر اطلاعات نے کہا کہ 9مئی کیسز کے فیصلے میرٹ پر ہوئے ، سانحہ کے ناقابل تردید ثبوت موجود ہیں حساس تنصیبات اور شہداء کی یادگاروں پر حملے کیے گئے۔
انہوں نے کہا کہ ملک ترقی کی راہ پر گامزن ہے،حکومتی اقدامات سے معیشت درست سمت میں گامزن ہےزرمبادلہ کے ذخائر میں اضافہ اور مہنگائی میں کمی ہوئی ہے۔سٹاک ایکس چینج کے انڈیکس میں ہر روز ریکارڈ اضافہ ہو رہا ہے۔
