اسلام آباد: سابق وفاقی وزیر اطلاعات فواد چوہدری کے بھائی ایڈووکیٹ فیصل چودھری کا کہنا ہے کہ پولیس نے فواد چوہدری کو کہاں رکھا ہوا ہے؟ ابھی کچھ پتہ نہیں چل سکا، پولیس بھی فواد چوہدری سے متعلق کچھ نہیں بتا رہی۔
ایڈووکیٹ فیصل چوہدری نے کہا کہ میں تھانہ آبپارہ اور کوہسار گیا لیکن فواد چوہدری وہاں موجود نہیں، فواد چوہدری اس وقت تمام مقدمات میں ضمانت پر ہیں، فواد چوہدری کے خلاف اگر کوئی مقدمہ ہے تو اس کی تفصیل دی جائے تا کہ ان کا دفاع کیا جا سکے۔
انہوں نے کہا کہ فواد چوہدری کے خلاف کیس ہے تو عدالت کے سامنے پیش کیا جائے، فواد چودھری سپریم کورٹ کے وکیل ہیں، ان کے ساتھ جو بھی سلوک کرنا ہے قانون کے مطابق کیا جائے۔
فیصل چوہدری نے مزید کہا کہ فواد چودھری سے خاندان اور وکلا کو ملاقات کی اجازت دی جائے۔
