راولپنڈی : 21-22 اپریل کوخیبرپختونخوا میں دو مختلف کارروائیوں میں گیارہ دہشت گردوں کو جہنم واصل کر دیا گیا۔
آئی ایس پی آرکے مطابق ضلع ڈیرہ اسماعیل خان میں دہشت گردوں کی موجودگی کی اطلاع پر انٹیلی جنس بیسڈ آپریشن کیا گیا آپریشن کے دوران شدید فائرنگ کے تبادلے کے بعد دس دہشت گردوں کو کامیابی سے جہنم واصل کر دیا گیا۔
آئی ایس پی آر کاکہناہے کہ ضلع شمالی وزیرستان میں ایک اور مقابلے میں سیکیورٹی فورسزنے دہشت گردوں کے ٹھکانے کو موثر انداز میں نشانہ بنایا۔فائرنگ کے نتیجے میں ایک اور دہشت گرد کو جہنم واصل کر دیا گیا۔مارے گئے دہشت گرد علاقے میں سیکورٹی فورسز کے ساتھ ساتھ معصوم شہریوں کے خلاف دہشت گردی کی متعدد کارروائیوں میں ملوث تھے۔دہشتگردوں سے اسلحہ اور گولہ بارود بھی برآمد ہوا۔
آئی ایس پی آر کاکہناہے کہ کا کہنا ہے کہ علاقے کے مقامی لوگوں نے سیکیورٹی فورسز کی کاروائیوں کو سراہا، جو ملک سے دہشت گردی کی لعنت کے خاتمے کے لیے پرعزم ہیں۔
