لاہور: پنجاب میں 24 گھنٹوں کے دوران ڈینگی کے181 نئے کیسز رپورٹ ہوئے ہیں۔
محکمۂ صحت پنجاب کے مطابق رواں سال پنجاب کے 36 اضلاع میں ڈینگی کے9 ہزار 693 کنفرم مریض رپورٹ ہوئے۔
محکمۂ صحت پنجاب نے بتایا کہ لاہورمیں گزشتہ روز 93، راولپنڈی میں25، گوجرانوالہ میں 25، ملتان میں16، نارووال اور فیصل آباد میں 6 مریضوں میں ڈینگی کی تصدیق ہوئی ہے ۔
اٹک اور شیخوپورہ میں3، سرگودھا، ساہیوال اور لودھراں میں ڈینگی کے 2، 2، قصور، مظفر گڑھ اور ننکانہ صاحب میں ڈینگی کا 1، 1 نیا مریض سامنے آیا ہے۔
محکمۂ صحت پنجاب کے مطابق پنجاب بھر کے ہسپتالوں میں اس وقت ڈینگی کے کل 155 مریض زیرِ علاج ہیں۔
