190 ملین پاؤنڈ کیس،شیریں مزاری نیب کے سامنے پیش

اسلام آباد: نیشنل کرائم ایجنسی 190 ملین پاؤنڈ کیس میں سابق وفاقی وزیر شیریں مزاری نیب راولپنڈی کے سامنے پیش ہو گئیں۔

ذرائع کے مطابق نیب حکام کی جانب سے آدھے گھنٹے تک شیریں مزاری سے تفتیش کی گئی، نیب نے شیریں مزاری کو 10 سوالوں سے زائد پر مشتمل سوالنامہ بھی دے دیا۔

شیریں مزاری سے نیب حکام نے کابینہ اجلاس میں ہونے والی گفتگو سے متعلق سوالات کیے، کابینہ اجلاس میں کون کون تھا اور کس نے کیا رائے دی اس پر بھی نیب نے شیریں مزاری سے سوالات کیے۔