راولپنڈی:24 مئی کو شمالی وزیرستان کے ضلع دتہ خیل کے عام علاقے میں خودکش بمبار نے خود کو دھماکے سے اڑا لیا۔سویلین سمیت تین اہلکار شہید ہوگئے.
آئی ایس پی آر کے مطابق دھماکے کے نتیجے میں پاک فوج کے نائیک سید اللہ شاہ جس کی عمر 33 سال تھی اورچارسدہ کا رہائشی تھا اور اکتیس سالہ سپاہی جواد خان جس کا تعلق ضلع ہری پور تھا خیبر پختونخوا پولیس ڈیپارٹمنٹ کے پولیس کانسٹیبل حکیم جان اور ایک بے گناہ شہری نے شہادت کو گلے لگا لیا۔
خودکش حملہ آور نے ایک عوامی اجتماع کو نشانہ بنانا تھا لیکن سیکیورٹی فورسز کے اہلکاروں کی جانب سے فوری جوابی کارروائی سے ایک بڑی تباہی کو روک دیا گیا کیونکہ فوجیوں نے فوری طور پر خودکش حملہ آور کی گاڑی کو شک کی بنیاد پر روک لیا اور متعدد معصوم جانوں کو بچانے کے لیے اپنی جانوں کا نذرانہ پیش کیا۔
آئی ایس پی آر کا کہنا ہے کہ پاکستان کی سیکیورٹی فورسز اور قانون نافذ کرنے والے ادارے دہشت گردی کی لعنت کو ختم کرنے کے لیے پرعزم ہیں اور ہمارے بہادر فوجیوں اور معصوم شہریوں کی ایسی قربانیاں ہمارے عزم کو مزید مضبوط کرتی ہیں۔
