مسلم لیگ (ن) کے قائدو سابق وزیر اعظم نواز شریف کا کہنا ہے کہ باجوڑ میں جمعیت علماء اسلام (ف) کے ورکرز کنونشن میں دھماکا قابل مذمت اور انتہائی افسوسناک ہے۔
جے یو آئی کے ورکرز کنونشن میں ہونے والے خودکش دھماکے پر سماجی رابطے کی ویب سائٹ ٹوئٹر پر اپنے بیان میں نواز شریف نے کہا ہے کہ باجوڑ میں جمعیت علماء اسلام (ف) کے ورکرز کنونشن میں دھماکا قابل مذمت اور انتہائی افسوسناک ہے۔
میاں نواز شریف نے مزید کہا ہے کہ قیمتی جانوں کے نقصان پر دل شدید رنجیدہ ہے، اللہ تعالیٰ سے دعا گو ہوں کہ وہ تمام لواحقین کو صبرِ جمیل اور زخمیوں کو جلد از جلد مکمل صحتیابی عطا فرمائے۔
مسلم لیگ (ن) کے قائد نواز شریف نے اپنے ٹوئٹ میں کہا ہے کہ سانحہ پر اپنے بھائی سربراہ جے یو آئی مولانا فضل الرحمان اور کارکنوں سے اظہارِ تعزیت کرتا ہوں اور ان کے غم میں برابر کا شریک ہوں۔
انہوں نے کہا کہ دھماکہ قابلِ مذمت اور انتہائی افسوس ناک ہے۔ قیمتی جانوں کے نقصان پر دل شدید رنجیدہ ہے۔ اللّہ تعالیٰ سے دعا گو ہوں کہ وہ تمام لواحقین کو صبرِجمیل اور زخمیوں کو جلد از جلد مکمل صحت یابی عطا فرمائے۔
