الیکشن کمیشن سے جو ہماری ڈیمانڈ ہیں وہ ابھی پوری نہیں ہوئیں، شازیہ مری

کراچی: پیپلزپارٹی کی رہنما شازیہ مری نے کہا کہ الیکشن کے پراسیس میں بھی لیول پلیئنگ فیلڈ ضروری ہے۔

شازیہ مری نے کہا پہلے ہمیں یہ دیکھنا ہے کہ الیکشن کمیشن نے کونسی تاریخ کا اعلان کیا ہے، ہم سمجھتے ہیں الیکشن کمیشن سے جو ہماری ڈیمانڈ ہیں وہ ابھی پوری نہیں ہوئیں۔

ان کا کہنا تھا کہ میرا خیال ہے صرف عندیہ سے کام نہیں چلتا، تاریخ کا ہونا ضروری ہے، امید ہے تاریخ کا معاملہ بھی جلد حل ہوجائے گا۔

شازیہ مری نے مزید کہا لیول پلیئنگ فیلڈ یہ نہیں کہ الیکشن کا دن لیول پلیئنگ ہو، الیکشن کے پراسیس میں بھی لیول پلیئنگ فیلڈ ضروری ہے۔